ഒരു നിമിഷം. കാതടപ്പിക്കുന്ന കാറ്റിന്റെ ഇരമ്പം മനസ്സിന്റെ വാതിലുകള്‍ തട്ടിത്തുറന്ന് അകത്തേക്ക് കുതിച്ചൊഴുകി. അനന്തമായ കടല്‍നീലിമ, കടുംചുവപ്പണിഞ്ഞ മാനം, ചുറ്റും കാറ്റിന്റെ സ്‌നേഹലാളന... ഉടലാകെ കോരിത്തരിക്കുംവിധം പ്രകൃതി എടുത്തുയര്‍ത്തുന്നു. അനന്തമെന്നോണം നീണ്ടു കിടക്കുന്ന പാമ്പന്‍പാലത്തിലെ യാത്രയില്‍ അടുത്തനിമിഷം നാം മറ്റൊരു കാലത്തിലേയ്ക്ക് പറക്കുന്നു. രാമേശ്വരത്തെ മണ്ണില്‍ മനസ്സ് ഗഗനചാരിയാവും. കണ്ണുമാത്രമല്ല ഉള്ളും വെണ്‍മേഘങ്ങളെ തൊടും. എല്ലാംകൊണ്ടും മറ്റൊരു ലോകമാണ് രാമേശ്വരം. പുണ്യത്തിന്റെ ചന്ദനഗന്ധം നിറഞ്ഞ പ്രാചീനകഥകള്‍, പ്രാര്‍ത്ഥനകളുടെ പിഴയ്ക്കാത്ത പ്രദക്ഷിണവഴികള്‍, ചിറകൊതുക്കി കാത്തുനില്‍ക്കുന്ന ബലിക്കാക്കകള്‍ക്കായി കണ്ണീര്‍നനവു ....