
കാട്ടാക്കട: പ്രധാനമന്ത്രി നരേന്ദ്രമോദി പങ്കെടുക്കുന്ന എന്.ഡി.എ.യുടെ തിരഞ്ഞെടുപ്പ് പൊതുയോഗത്തിനായി കാട്ടാക്കട ക്രിസ്ത്യന് കോളേജിന്റെ മതില് പൊളിച്ചു. തിങ്കളാഴ്ച നടക്കുന്ന പൊതുയോഗത്തിന് എത്തുന്ന വലിയ വാഹനങ്ങള് ഉള്പ്പെടെ ഉള്ളിലേക്ക് കൊണ്ടുപോകുന്നതിനായാണ് കോളേജിന്റെ മുന്ഭാഗത്തെ ചുറ്റുമതില് രണ്ടിടത്ത് പൊളിച്ചത്. കോളേജ് ഗ്രൗണ്ടിലേക്ക് പ്രവേശിക്കാന് രണ്ട് കവാടങ്ങള് നിലവിലുള്ളപ്പോഴാണ് കരിങ്കല് മതില് പൊളിച്ചുമാറ്റി രണ്ട് പുതിയ കവാടങ്ങള് പണിയുന്നത്.
ഒരു ലക്ഷത്തോളം പ്രവര്ത്തകര് പൊതുയോഗത്തിനെത്തുമെന്ന പ്രതീക്ഷയില് കൂറ്റന് പന്തലാണ് ഉയരുന്നത്. കിള്ളിയില് പങ്കജകസ്തൂരി ആയുര്വേദ മെഡിക്കല് കോളേജ് മൈതാനിയില് പ്രധാനമന്ത്രിയുമായി വരുന്ന ഹെലിക്കോപ്ടര് ഇറക്കാനായിരുന്നു ആദ്യ തീരുമാനം.
എന്നാല്, സുരക്ഷാ പ്രശ്നങ്ങള് കണക്കിലെടുത്ത് തൂങ്ങാംപാറ ചെട്ടിക്കോണത്തെ സ്വകാര്യ സ്ഥലത്താണിപ്പോള് ഹെലിക്കോപ്റ്റര് ഇറക്കാന് തീരുമാനിച്ചിട്ടുള്ളത്. ഇതിന്റെ ട്രയല് റണ് ശനിയാഴ്ച നടന്നു.
സുരക്ഷയുമായി ബന്ധപ്പെട്ട ക്രമീകരണങ്ങളും പൂര്ത്തിയായി വരുന്നതായി പോലീസ് പറഞ്ഞു. തിങ്കളാഴ്ച രാവിലെ മുതല് മൂന്ന് കിലോമീറ്റര് ചുറ്റളവില് ഗതാഗത നിയന്ത്രണവും ഉണ്ടാകും.
Content Highlights: prime miniter's visit; kattakkada christian college wall demolished
Published: 14 Apr 2024, 08:09 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented