ജയ്പുർ: വാഹനത്തിൽ ഘടിപ്പിക്കാവുന്ന ടാങ്ക് വേധ ഗൈഡഡ് മിസൈൽ (എ.ടി.ജി.എം.) വിജയകരമായി പരീക്ഷിച്ചു. അദാനി ഗ്രൂപ്പിന്റെ പ്രതിരോധ കമ്പനിയായ അദാനി ഡിഫൻസ് ആൻഡ് എയ്റോസ്പെയ്സ് നിർമിച്ച ഭഗീര എടി1 എന്ന മിസൈലിന്റെ പരീക്ഷണം രാജസ്ഥാനിലെ പൊഖ്റാൻ ഫീൽഡ് ഫയറിങ് റേഞ്ചിലായിരുന്നു.
18 മാസംകൊണ്ടാണ് നിർമാണം പൂർത്തിയായത്. ഇന്ത്യൻ ഭൂപ്രകൃതിക്കും കാലാവസ്ഥയ്ക്കും അനുയോജ്യമായാണ് മിസൈൽ രൂപകല്പനചെയ്തത്. മിസൈൽ, ഓട്ടമേറ്റഡ് ലോഞ്ചർ എന്നിവ ഉൾപ്പെടുന്ന സംവിധാനമാണിത്. പകലും രാത്രിയും ലക്ഷ്യത്തെ കൃത്യമായി ആക്രമിക്കാനുള്ള ശേഷി, കവചിത വാഹനത്തിലെ ലക്ഷ്യത്തിലേക്ക് ഒരേ ലേസർ ബീമിലൂടെ തുടർച്ചയായി രണ്ട് മിസൈലുകൾ തൊടുക്കുക, വിദൂര ആകാശ ലക്ഷ്യങ്ങളെ കൃത്യമായി ആക്രമിക്കുക എന്നിവ വിജയകരമായി പരീക്ഷിച്ചതായി കമ്പനി പ്രസ്താവനയിൽ അറിയിച്ചു.
എട്ടുകിലോമീറ്റർവരെ അകലെയുള്ള കവചിത വാഹനങ്ങളെ ആക്രമിക്കാൻ മിസൈലിന് കഴിയും.
Content Highlights: Bhageera AT1 missile, designed by Adani Defense, successfully tested at Pokhran, Rajasthan, showcasing precision targeting capabilities in diverse conditions.
Published: 22 Nov 2026, 06:27 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented